Co seu característico estilo recrearon non só a música popular do seu contorno senón tamén as melodías dunha chea de compositores galegos.

    Crearon escola entre a nova xeración de gaiteiros, Froito Novo de Melide, que naceu ao seu carón e aos que souberon transmitir con elegancia o sabor enxebre que se agocha na nosa música tradicional.

    Nunca cansaremos de dicir que Treixadura existe porque gaiteiros coma eles sementaron en nós o amor pola terra e a tradición.

    Se algunha vez te sorprendes tocando o Pasodobre de Lalín, a Marchiña, Terra de panadeiros ou Pinceladas de Galicia, debes saber que estás diante do repertorio destes grandes GARCEIRAS de Melide.